2023-11-24 23:35:18, 908 ნახვა
მსოფლიო
ესპანეთის პრემიერი - დადგა დრო, საერთაშორისო საზოგადოებამ, განსაკუთრებით კი ევროკავშირმა პალესტინა აღიაროს
დადგა დრო, საერთაშორისო საზოგადოებამ, განსაკუთრებით კი ევროკავშირმა აღიაროს პალესტინა, - ამის შესახებ ესპანეთის პრემიერ-მინისტრმა პედრო სანჩესმა განაცხადა.
პედრო სანჩესმა „ჰამასის“ მიერ 7 ოქტომბერს განხორციელებული თავდასხმა დაგმო და აღნიშნა, რომ ისრაელს აქვს უფლება დაიცვას საკუთარი თავი, საერთაშორისო სამართლის წესების შესაბამისად დაიცვას, რაც, მისი აზრით, ახლა არ ხდება.
„დადგა დრო, როდესაც საერთაშორისო საზოგადოებამ, განსაკუთრებით კი ევროკავშირმა მიიღოს გადაწყვეტილება პალესტინის სახელმწიფოს აღიარების თაობაზე. მნიშვნელოვანი იქნებოდა, ეს ევროკავშირის რამდენიმე წევრმა ქვეყანამ ერთად გააკეთოს, თუმცა თუ ეს არ მოხდება, ესპანეთი საკუთარ გადაწყვეტილებას მიიღებს“, - განაცხადა პედრო სანჩესმა.
ავტორი: ექსპრესნიუსი,
epn.ge (@expressnews.ge)
