ერაყსა და სირიაში განთავსებულ ამერიკულ ძალებზე თავდასხმები განხორციელდა. ამის შესახებ ინფორმაციას Reuters-ი ავრცელებს.

გამოცემის ცნობით, გასული დღის განმავლობაში, ამერიკულ ძალებს თავს ოთხჯერ რაკეტებითა და უპილოტო საფრენი აპარატებით დაესხნენ. 

როგორც Reuters-ი წერს, აშშ-სა და საერთაშორისო ძალებზე იერიში ჩრდილო-აღმოსავლეთ სირიაში ორ ადგილას, ერაყში, ბაღდადის დასავლეთით მდებარე აინ ალ-ასადის საავიაციო და ერბილის აეროპორტის მახლობლად განლაგებულ ბაზებზე მიიტანეს. 

თავდასხმებს მსხვერპლი არ მოჰყოლია. ინფორმაცია არც ინფრასტრუქტურის დაზიანების შესახებ გავრცელებულა.

მომხდარზე პასუხისმგებლობა "ისლამური წინააღმდეგობის" ძალებმა აიღო.

Reuters-ის ინფორმაციით, თავდასხმა მას შემდეგ განხორციელდა, რაც აშშ-მა ბაღდადის სამხრეთით ირანთან დაკავშირებული „კატაებ ჰეზბოლას“ შეიარაღებული ჯგუფი დაბომბა.

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო