იაპონიამ ტერორისტულ დაჯგუფება "ჰამასთან" დაკავშირებულ 9 პირსა და კომპანიას სანქციები დაუწესა. აღნიშნულის შესახებ განცხადებას იაპონიის საგარეო საქმეთა სამინისტრო ავრცელებს.

როგორც იაპონიის საგარეო საქმეთა სამინისტროს განცხადებაშია აღნიშნული, სანქცირებულთა შორის არიან "ჰამასის" წევრები, მათი დამფინანსებლები და Buy Cash Money and Money Transfer Company, რომელიც ფულის გადარიცხვასა და ციფრული ვალუტის, მათ შორის ბიტკოინის გაცვლის სერვისებს უზრუნველყოფს.

იაპონიის საგარეო უწყების ცნობითვე, აღნიშნულ პირებსა და კომპანიას გაეყინებათ აქტივები, ხოლო ყველა სანქცირებული სუბიექტი ტერორისტადაა აღიარებული.

აღსანიშნავია, რომ ეს იაპონიის მიერ ტერორისტული დაჯგუფება "ჰამასისთვის" დაწესებული პირველი სანქციებია.

შეგახსენებთ, რომ 27 ოქტომბერს, ამერიკის შეერთებულმა შტატებმა „ჰამასისა“ და ირანის „ისლამური რევოლუციის გუშაგთა კორპუსის“ წინააღმდეგ სანქციები დააწესა.

ავტორი: ექსპრესნიუსი,

სოციალური ქსელები

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა

ექიმი: ელენე ხოშტარიას აქვს ძლიერი ტკივილები, კვლევები მულტიპროფილურ კლინიკაში უნდა ჩაუტარდეს

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო