IDF - „ჰამასის“ 100-ზე მეტ ობიექტზე იერიში განხორციელდა - ლიკვიდირებულია საზღვაო ძალების წევრი

2023-10-20 10:50:04, 796 ნახვა

მსოფლიო

ისრაელის თავდაცვის ძალების (IDF) განახლებული ინფორმაციით, "ჰამასის" 100-ზე მეტ ობიექტზე იერიში მიიტანეს.

უწყების ცნობით, სამიზნეები მიწისქვეშა გვირაბს, იარაღის საწყობსა და ათობით ოპერატიული მართვის ცენტრს მოიცავდა.

"განადგურდა ტერორისტული აქტივები და იარაღი, რომელიც მდებარეობს ჯაბალიას რაიონში, მეჩეთში, რომელიც გამოიყენებოდა "ჰამასის" ტერორისტების მიერ სადამკვირვებლო პუნქტად",- ნათქვამია IDF-ის განახლებაში.

როგორც ისრაელის თავდაცვის ძალებში აცხადებენ, ლიკვიდირებულია მაჯედ მუჰამედ აბუ ოდეჰი, "ჰამასის" საზღვაო ძალების წევრი, რომელიც სამხრეთ ისრაელზე თავდასხმაში მონაწილეობდა.

უწყების ინფორმაციით, ღაზაზე მიზანმიმართული თავდასხმის დროს, ასევე ისლამისტური დაჯგუფების საჰაერო ძალების რაზმი გაანეიტრალეს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,