დაცული ტერიტორიების სააგენტო აქტიურად მუშაობს დაცული ტერიტორიების მიმდებარედ მცხოვრები მოსახლეობის მდგრადი ეკონომიკური განვითარების ხელშეწყობის მიმართულებით. ამ მიზნით, სააგენტო დონორ და პარტნიორ ორგანიზაციებთან თანამშრომლობით სხვადასხვა მნიშვნელოვან პროექტს ახორციელებს,- ამის შესახებ ნათქვამია ინფორმაციაში, რომელსაც დაცული ტერიტორიების სააგენტო ავრცელებს.

სააგენტოს ცნობით, დაცული ტერიტორიების მიმდებარედ აგროტურიზმის განვითარების ხელშეწყობისთვის ტრენინგები, თემაზე "ორგანული სოფლის მეურნეობა და აგროტურიზმი“ 30-მდე ფერმერმა გაიარა.

"მონაწილეები გაეცნენ აგროტურიზმის სპეციფიკასა და პრინციპებს, დაცულ ტერიტორიებთან მიმართებაში.  

აგროტურიზმი დაცული ტერიტორიების მიმდებარე ფერმერებს შესაძლებლობას აძლევს, ვიზიტორებს გააცნონ ტრადიციულ სოფლის მეურნეობის პრაქტიკა და სასოფლო-სამეურნეო საქმიანობაში ჩართონ; ტრენინგის მონაწილეებმა, თეორიულთან ერთად, მიიღეს პრაქტიკული გამოცდილება, რომლის ფარგლებშიც ახმეტის მუნიციპალიტეტში არსებული რამდენიმე აგროტურისტული ობიექტი დაათვალიერეს. 

ტრენინგები GEF/UNDP/CNF-ის პროექტის „დაცული ტერიტორიების ფინანსური მდგრადობის ხელშეწყობა საქართველოში“ ფარგლებში განხორციელდა, რომლის ერთ-ერთი მიზანია დაცული ტერიტორიების მიმდებარედ მცხოვრები მოსახლეობისთვის შემოსავლების გენერირების ხელშეწყობა. აღნიშნული მიმართულებით პროექტის ერთ-ერთი მთავარი პარტნიორია ორგანიზაცია „საქართველოს დაცული ტერიტორიების მეგობართა ქსელი“ (GePAFN)",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო