აშშ-ში რუსეთის საელჩო - ზელენსკის გაკოტრებული რეჟიმისთვის სამხედრო დახმარების გაგზავნა თვალთმაქცობაა

2023-08-30 10:44:19, 758 ნახვა

მსოფლიო

ზელენსკის გაკოტრებული რეჟიმისთვის სამხედრო დახმარების გაგზავნა თვალთმაქცობაა,- ამის შესახებ აშშ-ში რუსეთის საელჩოს განცხადებაშია აღნიშნული.

როგორც განცხადებაში ვკითხულობთ, ვაშინგტონი არავითარ შემთხვევაში არ იტყვის უარს უკანასკნელ უკრაინამდე რუსეთთან ბრძოლის კონცეფციაზე.

„ზელენსკის გაკოტრებული რეჟიმისთვის მეოთხედი მილიარდი დოლარის ღირებულების HIMARS-ების ჭურვებისა და საჰაერო თავდაცვის სისტემების რაკეტების მიწოდება, ასევე მეოთხედი მილიარდი დოლარის ღირებულების სხვა საბრძოლო მასალის მიწოდება თვალთმაქცობის პიკია. განსაკუთრებით მაშინ, როდესაც ოფიციალური პირები სამხედრო დახმარებას "უკრაინის ხალხისადმი ზრუნვით" ხსნიან. ფაქტობრივად, ვაშინგტონი არავითარ შემთხვევაში არ იტყვის უარს უკანასკნელ უკრაინამდე რუსეთთან ბრძოლის კონცეფციაზე",- აღნიშნულია განცხადებაში.

ცნობისთვის, აშშ უკრაინას 250 მილიონი დოლარის ღირებულების სამხედრო დახმარების ახალ პაკეტს გადასცემს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,