უკრაინის საგარეო საქმეთა მინისტრი დმიტრო კულება ნატოს წევრობის სანაცვლოდ უკრაინის ტერიტორიების ნაწილის დათმობის შესახებ ალიანსის გენერალური მდივნის ოფისის ხელმძღვანელის, სტიან იენსენის განცხადებას ეხმაურება და ამბობს, რომ ტერიტორიებით ვაჭრობის საკითხი არ განიხილება.

კულებას თქმით, სტიან იენსენი და იენს სტოლტენბერგი ორი სხვადასხვა ადამიანია, აღნიშნულ საკითხთან დაკავშირებით კი, ჩრდილოატლანტიკური ალიანსის ხელმძღვანელის პოზიცია ნათელია და "ზუსტად ისეთი, როგორიც უკრაინას აქვს".

"ნატოს გენერალური მდივანი და მისი შტაბის უფროსი ორი განსხვავებული ადამიანია... პრეზიდენტი (ვოლოდიმირ ზელენსკი) არაერთხელ დაუკავშირდა გენერალურ მდივანს, იენს სტოლტენბერგს. მეც ძალიან მჭიდრო ურთიერთობა მაქვს მასთან. გარწმუნებთ, რომ პოზიცია გენერალური მდივნის აბსოლუტურად ნათელია და ზუსტად ისეთი, როგორიც უკრაინას აქვს: უკრაინის ტერიტორიებით ვაჭრობა არ განიხილება",- აცხადებს კულება. 

ცნობისთვის, ნატოს გენერალური მდივნის ოფისის ხელმძღვანელმა, სტიან იენსენმა განაცხადა, რომ უკრაინა შეიძლება გახდეს ჩრდილოატლანტიკური ალიანსის წევრი ტერიტორიის ნაწილის დათმობის სანაცვლოდ. მან ასევე ხაზგასმით აღნიშნა, რომ ასეთი გადაწყვეტილება მხოლოდ კიევმა უნდა მიიღოს.

სტიან იენსენის განცხადება უკრაინის საგარეო საქმეთა სამინისტრომ  "აბსოლუტურად მიუღებლად" მიიჩნია.

მოგვიანებით, იენსენმა საკუთარ განცხადებას შეცდომა უწოდა.

საკითხს გამოეხმაურა თეთრი სახლიც. ამერიკის შეერთებული შტატების პრეზიდენტის ადმინისტრაციამ ინფორმაცია, რომ საუბარია, რუსეთის ფედერაციის სასარგებლოდ, უკრაინის ტერიტორიების ნაწილის დათმობის სანაცვლოდ, ნატოში უკრაინის შესაძლო გაწევრიანებაზე, უარყო. 

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს