ხაბაროვსკის საინჟინრო ქარხანა Дальэнергомаш-მა 30-წლიანი პაუზის შემდეგ საქართველოში ტექნიკის მიწოდება განაახლა. აღნიშნულ ინფორმაციას რუსული სამთავრობო გამოცემა TASS-ი რეგიონის მთავრობაზე დაყრდნობით ავრცელებს.

Дальэнергомаш-ის ცნობით, საქართველოში აღჭურვილობა მიეწოდება ქიმიურ ქარხანას, რომელიც მინერალურ სასუქებს აწარმოებს.

"ბოლო 30 წლის განმავლობაში პირველად ქარხანამ მიიღო შეკვეთა საქართველოდან. აზოტის აირის გენერატორი გაეგზავნება ქიმიურ ქარხანას, რომელიც მინერალურ სასუქებს აწარმოებს",- აცხადებენ ქარხანაში.

როგორც TASS-ი წერს, Дальэнергомаш-ი აწარმოებს კომპრესორებს, წნევისა და ელექტრო მოწყობილობებს მეტალურგიული კომპლექსებისა და ქიმიური მრეწველობის ქარხნებისთვის.

ქარხანა აღჭურვილობას ათეულობით ქვეყანას, მათ შორის ბელარუსს, ბულგარეთს, ინდოეთსა და ირანს აწვდის.

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს