ტელეკომპანია "მთავარი არხის" ინფორმაციით, საქართველოს საპატრიარქოს ტახტის მოსაყდრე, მეუფე შიო მუჯირი მოწამლეს.

როგორც "მთავარი არხი" წყაროზე დაყრდნობით იტყობინება, "დიდი ალბათობით, პატრიარქის თანამოსაყდრემ ერთ-ერთი ღვთისმსახურების დროს თავი შეუძლოდ იგრძნო. შემდეგ ჩატარებულმა სამედიცინო კვლევებმა კი, მის სისხლში დარიშხანის კვალი აჩვენა".

მეუფე შიოს მოწამვლის შესახებ ინფორმაცია გაავრცელა ტელეკომპანია "რუსთავი 2"-მაც. 

"რუსთავი 2"-ის ცნობით, "ბოლო თვის განმავლობაში მეუფე შიო შეუძლოდ გრძნობდა თავს, განსაკუთრებით მძიმედ ის 1 კვირის წინ იყო".

ტელეკომპანიის ცნობითვე, "ჩატარებული კვლევების შედეგად, ანალიზებში აღმოჩნდა არაერთი საეჭვო ნივთიერება. საპატრიარქოში ეჭვობენ, რომ პატრიარქის თანამოსაყდრეს დროთა განმავლობაში, ეტაპობრივად წამლავდნენ".

აღნიშნულ საკითხთან დაკავშირებით კომენტარს უკვე აკეთებენ სასულიერო პირები. ახალქალაქის, კუმურდოსა და კარის მიტროპოლიტი ნიკოლოზ ფაჩუაშვილი "რუსთავი 2"-თან საუბრისას ამბობს, რომ აღნიშნულთან დაკავშირებით ინფორმაციას არ ფლობს.

"მოულოდნელი, თავზარდამცემი და მართალი გითხრათ დაუჯერებელია. ადამიანებს შორის ვერ ვხედავ ვინმეს, ვისაც შეეძლო ასეთი რამე გადაეწყვიტა, ვერ წარმომიდგენია. მეუფე შიო სანამ თვითონ არ დაადასტურებს, ან ექიმები სანამ არ იტყვიან, რომ ნამდვილად ასეა, ვერაფერს ვერ ვიტყვი",- აცხადებს მიტროპოლიტი ნიკოლოზ ფაჩუაშვილი.

ტელეკომპანია ასევე ავრცელებს სამების საკათედრო ტაძრის იღუმენ გაბრიელის კომენტარსაც, რომელიც ამბობს, რომ  მისი ინფორმაციით, პატრიარქის მოსაყდრე დარიშხანით იყო მოწამლული.

"როგორც გავიგე მე თვითონ, [მიტროპოლიტი შიო] იყო დარიშხანით მოწამლული და ალბათ, დადასტურდება ესეც და გამოქვეყნდება საბოლოოდ, რა ფაქტორით იყო მოწამლული. წირვებზე რომ მოდიოდა მეუფე, მე მისთვის არ შემიმჩნევია ცუდად ყოფნა. მერე გავიგე, რომ შეუძლოდ იგრძნო თავიო და შესაბამისად, აუღეს ანალიზები. საქართველოში ჩაუტარდა ანალიზები", - აცხადებს იღუმენი გაბრიელი.

რაც შეეხება საპატრიარქოს, მას აღნიშნულ საკითხთან დაკავშირებით ოფიციალური განცხადება ამ დრომდე არ გაუკეთებია. 

საპატრიარქოს პრესსპიკერმა, დეკანოზმა ანდრია ჯაღმაიძემ სოციალურ ქსელში დაწერა, რომ მედიისთვის კომენტარი მოგვიანებით გაკეთდება.

"ჟურნალისტების საყურადღებოდ: მეუფე შიოს შესახებ გავრცელებულ ინფორმაციაზე კომენტარს მოგვიანებით გავაკეთებ",- დაწერა ჯაღმაიძემ რამდენიმე საათის წინ "ფეისბუქის" გვერდზე.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს