ევროპარლამენტმა მხარი დაუჭირა კანონპროექტს, რომელიც საბრძოლო მასალისა და რაკეტების ევროპული წარმოების გაზრდას გულისხმობს. 

უკრაინული მედიის ცნობით, ევროკომისიამ კანონპროექტი მიმდინარე წლის 3 მაისს წარადგინა და მაისშივე კანონპროექტის მიღების დასაჩქარებლად, ევროპარლამენტარები გადაუდებელი პროცედურის დაწყებაზე შეთანხმდნენ.

"დღევანდელი გადაწყვეტილება წარმოადგენს მნიშვნელოვან წინგადადგმულ ნაბიჯს ჩვენი კავშირის უსაფრთხოებისა და თავდაცვისთვის, განსაკუთრებით კი უკრაინის ურყევი მხარდაჭერისთვის, რუსეთის წინააღმდეგ... პარლამენტი საბჭოსთან მოლაპარაკებებისთვის მზად არის და ვიმედოვნებთ, რომ რაც შეიძლება მალე მივაღწევთ შეთანხმებას",- აცხადებს ევროპარლამენტის მოლაპარაკებების ჯგუფის ხელმძღვანელი კრისტიან ბუშოი (EPP, რუმინეთი).

კანონპროექტი 446 ხმით მიიღეს, 67 წინააღმდეგ წავიდა, ხოლო 112-მა თავი შეიკავა. ამის შემდეგ, ევროპარლამენტარები დაიწყებენ მოლაპარაკებებს ევროკავშირის საბჭოსთან, პოლიტიკური შეთანხმების მიღწევის მიზნით, რომელსაც ევროდეპუტატები კენჭს ივლისში, პლენარულ სხდომაზე უყრიან.

ავტორი: ექსპრესნიუსი,

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია