სამართალდამცავ ორგანოებთან თანამშრომლობით ვეცდებით, რომ დამნაშავე აუცილებლად მიეცეს სისხლის სამართლის პასუხისგებაში,- ასე ეხმაურება საქართველოში უკრაინის ელჩის მოვალეობის შემსრულებელი ანდრი კასიანოვი ვაკის პარკში უკრაინის დროშის ჩამოხსნის ფაქტს.

მისი თქმით, უკრაინული სიმბოლიკის შებღალვის ფაქტი მიუღებელია და ამ ყველაფერზე ოფიციალური რეაქცია აუცილებლად იქნება.

"აბსოლუტურად მიუღებელია ჩვენი უკრაინული სიმბოლიკის შებღალვის ფაქტი. აღნიშნულის შესახებ უკვე ვაცნობეთ უკრაინის საგარეო საქმეთა სამინისტროს. სამართალდამცავ ორგანოებთან თანამშრომლობით ვეცდებით, რომ დამნაშავე აუცილებლად მიეცეს სისხლის სამართლის პასუხისგებაში. ოფიციალური რეაქცია ამ ყველაფერზე აუცილებლად იქნება",- განაცხადა კასიანოვმა.

ცნობისთვის, გუშინ, 7 მაისს  თბილისში, ვაკის პარკში მამაკაცმა უკრაინის დროშა დემონსტრაციულად ჩამოხსნა და დახია, ფაქტის ამსახველი კადრები კი, სოციალური ქსელით გაავრცელა.

აღსანიშნავია, რომ ადმინისტრაციულ სამართალდარღვევათა კოდექსის მიხედვით, საქართველოსთან დიპლომატიური ურთიერთობის მქონე რომელიმე ქვეყნის დროშის ან გერბის შებღალავა, რომელიც საქართველოს რომელიმე სახელმწიფო უწყებას აქვს აღმართული 1000-ლარიან ჯარიმას ითვალისწინებს.

ავტორი: ექსპრესნიუსი,

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ