2023-05-04 10:02:48, 1500 ნახვა
ომი უკრაინაში
უკრაინის შსს - ომის დაწყებიდან დღემდე 23 760 მოქალაქე უგზო-უკვლოდ დაკარგულად ითვლება
უკრაინაში, რუსეთის შეჭრის შემდეგ, 23 760 უკრაინელი უგზო-უკვლოდ დაკარგულად ითვლება,- აღნიშნულის შესახებ უკრაინის შინაგან საქმეთა მინისტრის მოადგილემ, ლეონიდ ტიმჩენკომ განაცხადა.
მისი თქმით, უკრაინის შსს-მ შეძლო იმ ადამიანების 50%-ზე მეტის პოვნა, რომლებიც დაკარგულად ითვლებოდნენ.
"ომის დაწყებიდან რეგისტრირებული იყო 101 543 დაკარგული მოქალაქე. მოგვიანებით ეს ინფორმაცია ეროვნული პოლიციის ბაზაში შევიტანეთ, მერე ტარდებოდა შემოწმებები. 54 310 ადამიანი ვიპოვეთ. ძებნაში გამოცხადებული იყო 31 330 მოქალაქე, მათგან 7 570 ვიპოვეთ. ამ ეტაპზე ძებნაში რჩება 23 760 მოქალაქე - ისინი განსაკუთრებულ გარემოებებში გაუჩინარდნენ. უწყებამ ასეთი ადამიანების რეესტრი ცალკე შექმნა",- განაცხადა ტიმჩენკომ.
ავტორი: ექსპრესნიუსი,
epn.ge (@expressnews.ge)
