იმედი მაქვს სამართალი აღდგება და დამნაშავეები დაისჯებიან,- ამის შესახებ რუსი ოკუპანტების მიერ წამებით მოკლული არჩილ ტატუნაშვილის დედა, რუსუდან ტატუნაშვილმა განაცხადა.

რუსუდან ტატუნაშვილი  სტრასბურგის სასამართლოს გადაწყვეტილებას გამოეხმაურა, რომლის მიხედვითაც "საქართველო-რუსეთის წინააღმდეგ" სახელმწიფოთაშორისო საჩივარი დასაშვებად ცნო.

"წლებია ველოდებით ამ სასამართლოს და იმედი მაქვს სამართალი აღდგება და სამართალი გაიმარჯვებს და ის დამნაშავეები დაისჯებიან. აქ კი გამოუტანს განაჩენი, დაუსწრებლად, უვადო პატიმრობა, მაგრამ იმათ არავინ არ დააკავებს იქ. ჩემი შვილი უდანაშაულო იყო და ოსებმა აწამეს სამშობლოს სიყვარულის გულისთვის. აიძულებდნენ, რომ ეთქვა ვითომ ტერორისტი იყო, შესული იყო იქ რომ პუტინის არჩევნები ჩაეშალა, რადგან გარიგებაში არ შევიდა იმათთან და არ ითანამშრომლა იმათთან, იძულებულები გახდნენ ეწამებინათ",- ამბობს რუსუდან ტატუნაშვილი "მთავარ არხთან" საუბრისას.

ცნობისთვის, გუშინ 20 აპრილს სტრასბურგის სასამართლომ დასაშვებად ცნო და წარმოებაში მიიღო სახელმწიფოთაშორისო საქმე "საქართველო რუსეთის წინააღმდეგ".

საქმე ეხება ოკუპირებული აფხაზეთისა და ცხინვალის რეგიონების ადმინისტრაციულ გამყოფ ხაზებთან ადამიანთა უფლებების სიტუაციის გაუარესებას, რუსეთის მიერ საქართველოს მოქალაქეთა მიმართ დანაშაულების ჩადენას. 

ავტორი: ექსპრესნიუსი,

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა