შეხვედრას აჭარის  მთავრობის თავმჯდომარე თორნიკე რიჟვაძე, უმაღლესი საბჭოს თავმჯდომარე დავით გაბაიძე, ეროვნული სატყეო სააგენტოს უფროსი კახა ცერცვაძე, გერმანიის ფედერაციული რესპუბლიკის საელჩოს,  რეკონსტრუქციის საკრედიტო ბანკის (KfW) რეგიონული ოფისის დირექტორი სამხრეთ კავკასიაში, WWF კავკასიის პროგრამა  ოფისის რეგიონული დირექტორი და სხვა ოფიციალური პირები ესწრებოდნენ.

„გერმანიის ფედერაციული რესპუბლიკის მთავრობასთან და განვითარების და რეკონსტრუქციის ბანკთან ერთად, მნიშვნელოვანი პროექტის განხორციელებას ვიწყებთ, რომლის ფარგლებშიც მოხდება როგორც აჭარის სატყეო სააგენტოს ინსტიტუციური გაძლიერება, ასევე ტყის რესურსების და მთლიანად სატყეო ფონდის აღდგენა-კონსერვაცია”, - აღნიშნა აჭარის მთავრობის თავმჯდომარემ, თორნიკე რიჟვაძემ.

პროექტი „ტყის მდგრადი მართვა აჭარაში“  ხელს შეუწყობს აჭარის სატყეო სააგენტოს ტყის მართვის სრულყოფილ ორგანოდ  გარდაქმნას, რომელიც განახორციელებს ტყის მდგრადი მართვის სრულ ციკლს, მათ შორის, ტყის მოვლა-აღდგენას, კონსერვაციული ღონისძიებების დანერგვას, კლიმატური ცვლილებების მიმართ ტყის მდგრადობის გაძლიერებას, ტყით სარგებლობასა და საშეშე-სამასალე მერქნით მოსახლეობის უზრუნველყოფას.

„ტყის მდგრადი მართვა აჭარაში“ მნიშვნელოვანი პროექტია არა მხოლოდ რეგიონისთვის, არამედ მთელი ქვეყნისთვის, რომელიც ხელს შეუწყობს აჭარის ტყეების მდგრადად მართვას, რაც საქართველოს სატყეო რეფორმის ერთ-ერთი ყველაზე  მნიშვნელოვანი ნაწილია“, - აღნიშნა გარემოს დაცვისა და სოფლის მეურნეობის მინისტრის მოადგილემ კახა კაკაბაძემ.

პროექტი დაფინანსებულია გერმანიის ფედერაციული რესპუბლიკის მიერ და იგი ხორციელდება რეკონსტრუქციის საკრედიტო ბანკის (KfW) მეშვეობით. აღნიშნული პროექტის ბიუჯეტი შეადგენს 7 492 000 ევროს. პროექტის განმახორციელებელი კონსულტანტია  კონსორციუმი, რომელიც აერთიანებს ბუნების დაცვის მსოფლიო ფონდის (WWF) კავკასიის პროგრამის ოფისს, WWF გერმანიასა და ორგანიზაცია HessenForst-ს.

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა