ქუთაისში საზოგადოებრივი ტრანსპორტით მგზავრობის საფასური გაიზარდა

2023-02-03 12:38:24, 893 ნახვა

საზოგადოება

ქუთაისის საკრებულოს რიგგარეშე სხდომაზე საზოგადოებრივი ტრანსპორტით მგზავრობის საფასურის გაზრდის გადაწყვეტილება მიიღეს.

კანონპროექტს მხარი 18-მა დეპუტატმა დაუჭირა, წინააღმდეგ კი არავინ წასულა.

საკრებულოს გადაწყვეტილებით ავტობუსით მგზავრობა 20 თეთრით გაძვირდა, მიკროავტობუსით კი 10 თეთრით და 60 თეთრი გახდა.

როგორც ქუთაისის მერმა, იოსებ ხახალეიშვილმა განაცხადა, საკრებულომ დამატებითი დონაციები მოიძია, რათა მგზავრობის საფასური მეტად არ გაზრდილიყო.

"გამომდინარე სიტუაციიდან, მინიმალური ზრდა გარდაუვალი აღმოჩნდა. თავიდანვე გარკვეული მონახაზი არსებობდა, თუმცა შევამცირეთ ზრდა მგზავრობის ღირებულების და მოვძებნეთ დამატებითი დონაცია, რომ ეს არ ყოფილიყო ჩვენი მოქალაქეებისთვის მტკივნეული", - განაცხადა ქუთაისის მერმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,