დღეიდან ევროკავშირის საბჭოს გადაწყვეტილება რუსული ნავთობის ფასის ლიმიტის დაწესების შესახებ ძალაში შედის. 

რუსეთში წარმოებული ან ექსპორტირებული ნავთობისა და ნავთობპროდუქტების ლიმიტი ფასი ბარელზე 60 დოლარია.

ასევე ძალაში შედის რუსული ნავთობის მესამე ქვეყნებში საზღვაო ტრანსპორტირების აკრძალვა და ტრანსპორტირებასთან დაკავშირებული ტექნიკური დახმარების, საბროკერო მომსახურების, დაფინანსების ან ფინანსური დახმარების აკრძალვა.

ზღვრული ფასი შეიძლება პერიოდულად გადაიხედოს ბაზრის ვითარებასთან ადაპტაციის მიზნით, ამიტომ ზღვრული ფასის ყოველი ცვლილების შემდეგ დგინდება 90 დღიანი გარდამავალი პერიოდი, რათა უზრუნველყოფილი იყოს ზღვრული ფასის თანმიმდევრული გამოყენება ყველა ოპერატორის მიერ.

გარდა ამისა, 2023 წლის 5 თებერვლიდან რუსული ნავთობპროდუქტების საზღვაო გადაზიდვის აკრძალვა ამოქმედდება.

დასავლეთის ქვეყნების ამ გადაწყვეტილების მიზანია რუსეთის შემოსავლის შემცირება, რაც ეხმარება რუსეთის ფედერაციას გააგრძელოს ომი უკრაინაში, მაგრამ ამავე დროს შეინარჩუნოს რუსული მარაგი მსოფლიო ბაზარზე.

შეგახსენებთ, რომ 2022 წლის მაისის ბოლოს ევროკავშირის ლიდერები შეთანხმდნენ  რუსული ნავთობის ექსპორტის აკრძალვაზე .

3 დეკემბერს ევროკავშირის საბჭომ  მიიღო გადაწყვეტილება რუსეთიდან ექსპორტირებული ნავთობის მაქსიმალური ფასი ბარელზე 60 აშშ დოლარის დონეზე დაწესების შესახებ.

ფასის ზღვარი ნიშნავს, რომ 5 დეკემბრიდან ევროკავშირის 27 ქვეყანა, გაერთიანებული სამეფო, შეერთებული შტატები, კანადა, იაპონია და ავსტრალია გასცემენ მომსახურებას რუსული ტანკერების ნავთობთან მხოლოდ იმ შემთხვევაში, თუ ის შეძენილია დადგენილ ზღურბლზე ან მის ქვემოთ. . 2023 წლის 5 თებერვლიდან ასევე აიკრძალება რუსული ნავთობპროდუქტების შეძენა.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა