რუსული კერძო სამხედრო შენაერთი ვაგნერი, რომელიც პუტინის პირად მზარეულს ევგენი პრიგოჟინს ეკუთვნის,  ცენტრალური აფრიკის რესპუბლიკეაში მუსლიმებს რელიგიური ნიშნით არჩევდა და ხოცავდა.

ამის შესახებ, სახელმწიფო დეპარტამენტის ანგარიშშია ნათქვამი სადაც "ვაგნერმა" განსაკუთრებული შეშფოთების ორგანიზაციის სახელი მიიღო.

მსგავსი სტატუსი მიიღეს ისეთმა ორგანიზაციებმა, როგორიცაა თალიბანი, ISIS-დიდი საჰარა, ISIS-დასავლეთ აფრიკა და ბოკო ჰარამი.

ამ სტატუსის მინიჭებას ითვალისწინებს აშშ-ის კანონი საერთაშორისო რელიგიური თავისუფლების შესახებ. მას იღებენ ორგანიზაციები, ისევე როგორც მთელი ქვეყნები, რომლებიც, აშშ-ის ხელისუფლების განცხადებით, უშვებს რელიგიური თავისუფლების დარღვევას.

ანგარიშის მიხედვით, კერძო სამხედრო სტრუქტურა "ვაგნერი" იყო ჩამოთვლილი, როგორც ორგანიზაცია "განსაკუთრებული შეშფოთების" გამო მისი საქმიანობის ცენტრალური აფრიკის რესპუბლიკაში (CAR). სახელმწიფო დეპარტამენტის უსახელო წარმომადგენელმა განუცხადა CNN-ს, რომ სამხედრო ორგანიზაციის წევრები ავიწროებდნენ რელიგიური უმცირესობების წარმომადგენლებს მეამბოხე ჯგუფების წინააღმდეგ ოპერაციების დროს.

ხშირ შემთხვევაში, ვაგნერი არ ასხვავებდა შეიარაღებულ ელემენტებსა და რელიგიურ უმცირესობათა საზოგადოებიდან რიგით მოქალაქეებს. პრიგოჟინის ორგანიზაცია ასევე მონაწილეობდა ფულანის ხალხის ხოცვა-ჟლეტაში.

"ჩვენ ვგმობთ Wagner PMC-ის თავდასხმებს მუსლიმურ თემებზე და მოვუწოდებთ CAR მთავრობას, პასუხისმგებლობა მოეთხოვოს უსაფრთხოების პარტნიორებს და გადახედოს ქვეყანაში Wagner PMC-ის მუდმივი ყოფნის დამანგრეველ შედეგებს." - ნათქვამია სახელმწიფო დეპარტამენტის ანგარიშში.

ნოემბრის ბოლოს, Bloomberg-ის წყაროებმა განაცხადეს, რომ აშშ-ს პრეზიდენტის ადმინისტრაცია განიხილავს ვაგნერის გაერთიანებას როგორც ტერორისტულ ორგანიზაციად.  დეკემბრის დასაწყისში აშშ-ის კონგრესს წარედგინა კანონპროექტი, რომელიც ითვალისწინებს რუსეთის PMC-სთვის ასეთი სტატუსის მინიჭებას.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა