სასაცილო და უსიამოვნოა, როდესაც რუსეთს ბრალს სდებენ, იმაში, რომ ის მუდმივად ითხოვს რაიმე სახის მოლაპარაკებას,- ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

ლავროვმა კიდევ ერთხელ უარყო მოლაპარაკება კიევთან და აღნიშნა, რომ რუსეთი „მზადაა მოუსმინოს“ მეორე მხარეს.

„ჩვენ არასდროს მოგვითხოვია რაიმე მოლაპარაკება, მაგრამ ყოველთვის ვამბობდით, რომ თუ ვინმეს აქვს ინტერესი მოლაპარაკებების გზით, ჩვენ მზად ვართ მოვუსმინოთ“,- განაცხადა ლავროვმა.

მისივე თქმით, რუსეთი თითქოს არ ცდილობს მოლაპარაკებებს „ომის გაყინვისთვის“.

„ხალხი იტყუება, გულწრფელად იტყუება, რომ ჩვენ ვითხოვთ მოლაპარაკებებს“, - დასძინა ლავროვმა.

აღსანიშნავია, რომ მანამდე რუსეთის საგარეო საქმეთა სამინისტროს პრესმდივანმა, მარია ზახაროვამ განაცხადა, რომ რუსეთი მზადაამოლაპარაკებებისთვის "შექმნილი სიტუაციის გათვალისწინებით".

ამასთან, ეს განცხადება რუსეთის მიერ ხერსონის ჩაბარების ფონზე გაკეთდა.

შეგახსნებთ, რომ უკრაინამ პუტინთან მოლაპარაკებაზე საკანონმდებლო დონეზე თქვა უარი.

პრეზიდენტის ადმინისტრაციის თავმჯდომარის მრჩეველმა, მიხაილო პოდოლიაკმა მტკიცედ განაცხადა, რომ კიევი კრემლთან მოლაპარაკებას მხოლოდ საკუთარი პირობებით აწარმოებს. ერთ-ერთ ასეთ პირობას პოდოლიაკმა უწოდა რუსული ჯარების სრული გაყვანა უკრაინის ტერიტორიიდან.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა