თუ ადეკვატური ზომები სწრაფად არ იქნება მიღებული, მოსალოდნელია პაციენტის გარდაცვალება, - ასე გამოეხმაურა ცენტრი "ემპათიის" დირექტორი მარიამ ჯიშკარიანი მიხეილ სააკაშვილის ჯანმრთელობის მდგომარეობას.

მისივე თქმით,მიხეილ სააკაშვილის ჯანმრთელობის გაუარესება არის ერთ წლიანი არაადეკვატური სამედიცინო მომსახურების შედეგი, ხოლო იუსტიციის მინისტრის მიერ გაკეთებული განცხადება,მესამე პრეზიდენტის საკითხზე არის სრული აბსურდი. 

"ჩვენ შევხვდებით ელჩს და გავაცნობთ ინფორმაციას,რომ ეს არის ერთ წლიანი არაადეკვატური სამედიცინო მომსახურების შედეგი, თუ ადეკვატური ზომები სწრაფად არ იქნება მიღებული, მოსალოდნელია პაციენტის გარდაცვალება. იუსტიციის მინისტრის მიერ გაკეთებული განცხადება სამართლებრივად გახლავთ სრული აბსურდი, მინისტრმა უნდა აღიაროს,რომ 1 წლის განმავლობაში ბევრი შეცდომა და გადაცდენა იყო სააკაშვილის მისამართით,რამაც მიიყვანა სიტუაციის დამძიმებამდე საქმე, ახლა მაინც უნდა მისცენ ადამიანს უფლება,რომ აასრულოს კონსტიტუციით მინიჭებული ჯანმრთელობას უფლება." - განაცხადა მარიამ ჯიშკარიანმა.

ცნობისთვის, იუსტიციის მინისტრმა გუშინ, 29 ნოემბერს გამართულ საგანგებო ბრიფინგზე, მიხეილ სააკაშვილის საზღვარგარეთ სამკურნალოდ გადაყვანის მოთხოვნასთან დაკავშირებით განაცხადა, რომ საქართველოს კანონმდებლობით მსჯავრდებული პაციენტის საზღვარგარეთ გაყვანა შეუძლებელია.

რატი ბრეგაძემ მესამე პრეზიდენტს შესთავაზა, რომ ნებისმიერი უცხოური კლინიკიდან ჩამოიყვანოს ექიმი და მკურნალობაში ჩართოს.

ავტორი: ექსპრესნიუსი,

სოციალური ქსელები

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ