რუსეთი შესაძლოა სცადოს მასიური სარაკეტო შეტევა უკრაინაზე 15-16 ნოემბერს, როდესაც ბალიში G20-ის სამიტი გაიმართება. ამის შესახებ უკრაინის საჰაერო ძალების სარდლობის სპიკერმა იური იგნატმა განაცხადა.

მისი თქმით, რუსეთს ძალიან უყვარს სიმბოლური თარიღები და G20-ის სამიტი სრულად აღიქმება ამ პარადიგმაში.

"G20-ის სამიტი ახლოვდება, ძალიან მოსწონთ სადღაც ასეთ დღეებში რაღაც პროვოკაციის გამართვა", - განაცხადა იგნატმა.

შეგახსენებთ, რომ წლევანდელი სამიტი 15-16 ნოემბერს ბალიში გაიმართება. მოწვეულ ქვეყნებს შორის არის უკრაინაც.

სამიტზე მოწვეული იყო რუსეთის პრეზიდენტიც, თუმცა, ამ საკითხზე ხანგრძლივი დუმილის შემდეგ, 11 ნოემბერს კრემლმა განმაცხადა, რომ პუტინი სამიტში არ მიიღებდა მონაწილეობას, მის მაგივრად სამიტზე საგარეო საქმეთა მინისტრი, სერგეი ლავროვი გაემგზავრებოდა.

გარდა ამისა, თეთრმა სახლმა ხაზგასმით აღნიშნა, რომ აშშ-ის სახელმწიფო მდივანი ენტონი ბლინკენი ლავროვს არ შეხვდება, რადგან აგრესორს ისე არ უნდა მოექცნენ, როგორც ადრე.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია