უკრაინის საგარეო საქმეთა მინისტრი, დმიტრო კულება აცხადებს, რომ ხვალ, 12 ნოემბერს, კამბოჯაში, სამხრეთ-აღმოსავლეთ აზიის ქვეყნების ასოციაციის (ASEAN) სამიტის ფარგლებში, აშშ-ს სახელმწიფო მდივანს, ენტონი ბლინკენს შეხვდება.

როგორც კულება აცხადებს, შეხვედრა უკრაინის სამხედრო დახმარებასთან დაკავშირებით გაიმართება.

„ხვალ ძალიან აქტიური დღე მექნება - სახელმწიფო მდივანთან, ენტონი ბლინკენთან ცალკე შეხვედრა გაიმართება. განვიხილავთ უსაფრთხოების მდგომარეობას, უკრაინისთვის ახალი იარაღის მიწოდებასა და რუსეთის ფედერაციის წინააღმდეგ სანქციების გამოყენებას", - აცხადებს კულება.

ცნობისთვის, ეროვნული უსაფრთხოების მრჩეველმა, ჯეიკ სალივანმა თქვა, რომ შეერთებული შტატები უკრაინას Avenger-ის საზენიტო იარაღს გადასცემს - ეს არის მოკლე დისტანციის საჰაერო თავდაცვის სისტემა, რომლებიც Stinger რაკეტებს ისვრის.

რამდენი ასეთი ინსტალაცია გადაეცემა უკრაინას, ჯერ ცნობილი არ არის.

გარდა ამისა, სალივანის თქმით, შეერთებული შტატები უკრაინას გაუგზავნის რაკეტებს Hawk-ის ინსტალაციისთვის.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა