ფრონტზე ინიციატივა უკრაინის შეიარაღებული ძალების ხელშია. უკრაინელი მებრძოლები ხერსონის რაიონში დიდი გამარჯვების უზრუნველყოფის პროცესში არიან,- აღნიშნულის შესახებ ინფორმაციას ომის შესწავლის ამერიკული ინსტიტუტი (ISW) ავრცელებს.

ანალიტიკოსების აზრით , ეს არ იქნება უკრაინის შეიარაღებული ძალების ბოლო გამარჯვება რუს ოკუპანტებზე.

"უკრაინას აქვს ინიციატივა და ხერსონში დიდი გამარჯვების უზრუნველყოფის პროცესი მიმდინარეობს. ცეცხლის შეწყვეტა მისცემს კრემლს იმ პაუზას, რომელიც მას უიმედოდ სჭირდება რუსული ძალების აღსადგენად. უკრაინის დიდი გამარჯვება, რომელიც გრძელდება ხერსონის რეგიონში, ბოლო არ იქნება“,- აღნიშნავენ ექსპრტები.

გარდა ამისა, ISW-ის ცნობით, ბოლო 24 საათის განმავლობაში უკრაინის შეიარაღებულმა ძალებმა წარმატებას მიაღწიეს ხერსონის ჩრდილო-დასავლეთით, დასავლეთით და ჩრდილო-აღმოსავლეთით, ზოგიერთ რაიონში კი 7 კმ-მდე დაწინაურდნენ. ამავდროულად, რუსი ოკუპანტები ორგანიზებულად უკან იხევენ და უკრაინელი სამხედროები წარმატებას აღწევენ რუსული ძალების დამარცხების გარეშე, როგორც ხარკოვის კონტრშეტევის დროს.

მათივე ცნობით, რუსული ჯარების უკან დახევა საშუალებას მისცემს ხერსონის რეგიონის განთავისუფლებას მდინარე დნეპერამდე უახლოეს დღეებში ან კვირებში.

”რუსული ჯარების გაყვანას გარკვეული დრო დასჭირდება და ბრძოლა გაგრძელდება ხერსონის რეგიონში, რადგან უკრაინული ჯარები წინ მიიწევენ და წინასწარ მომზადებულ რუსულ თავდაცვით ხაზებს უპირისპირდებიან, განსაკუთრებით ქალაქ ხერსონის გარშემო“,- აღნიშნულია განცხადებაში.

შეგახსენებთ, რომ 9 ნოემბერს, რუსეთის ფედერაციის სამხედრო სარდლობამ გამოაცხადა, რომ ხერსონიდან დნეპრის მარცხენა სანაპიროზე ჯარები გაიყვანა.

იმავდროულად, უკრაინაში რუსეთის განცხადებებს სკეპტიკურად უყურებენ და მოუწოდებენ არ დაუჯერონ მტერს.

თავის მხრივ, უკრაინის პრეზიდენტის აპარატის უფროსის მრჩევლმა, მიხაილო პოდოლიაკმა თქვა, რომ არ არსებობს ნიშნები იმისა, რომ რუსები ხერსონს უბრძოლველად  დატოვებდნენ.

ამასთან, უკრაინის შეიარაღებული ძალების მთავარსარდალმა ვალერი ზალუჟნიმ განაცხადა, რომ 9 ნოემბერს უკრაინის შეიარაღებულმა ძალებმა ხერსონის რეგიონში 12 დასახლებული პუნქტი დაიბრუნეს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია