ზაპოროჟიეს ატომური ელექტროსადგური უკრაინის ელექტროსისტემას ისევ დაუკავშირდა. აღნიშნულ ინფორმაციას ატომური ენერგიის საერთაშორისო სააგენტო (IAEA) ავრცელებს.

IAEA-ს დირექტორის, რაფაელ გროსის განცხადებით, აუცილებელია, ბირთვული ავარიის თავიდან ასაცილებლად, უსაფრთხოების დაცვის ზონა შეიქმნას.

"ზაპოროჟიეს ატომური ელექტროსადგურის გარე გადამცემი ორივე - 750 კვ და 330 კვ სარეზერვო ხაზები, რომლებიც ქსელიდან ელექტროენერგიის მისაწოდებლად გამოიყენება, გარემონტდა და პარასკევს, შუადღისას ხელახალი ჩართვა დაიწყო. დაახლოებით, 22:00 საათზე, ზაპოროჟიეს ექვსივე ბლოკზე 750 კვ ელექტროენერგიის მიწოდება აღდგა. 

ზაპორიჟიეს ატომური ელექტროსადგურის მამაცი პერსონალი ახერხებს ექვსი აგრეგატის უსაფრთხოდ მუშაობის შენარჩუნებას, მაგრამ ასე გაგრძელება არ შეიძლება. მე არაერთხელ განვაცხადე, რომ სასწრაფოდ უნდა შეიქმნას ბირთვული უსაფრთხოების დაცვის ზონა ბირთვული ავარიის თავიდან ასაცილებლად. ჩვენ არ შეგვიძლია მეტი დროის დაკარგვა. ჩვენ უნდა ვიმოქმედოთ, სანამ გვიან არ არის", - ამბობს IAEA-ს დირექტორი.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა