მონღოლეთის ყოფილმა პრეზიდენტმა ცახიაგიინ ელბეგდორჯმა დაადანაშაულა რუსეთი და კრემლი ეროვნული უმცირესობების - ბურიატების, ტუვანების და ყალმიხების - "საზარბაზნე ხორცად" გამოყენებაში.

მონღოლეთის ექს-პრეზიდენტმა რომელიც გამოკითხვების მიხედვით დიდი ავტორიტეტით სარგებლობს, მოუწოდა რუსეთის მცირე ერებს, უარი თქვან ომში მონაწილეობაზე და გაიქცნენ მონღოლეთში, სადაც მათ მიიღებენ "გაშლილი ხელებით". ამ ხალხების ასობით წარმომადგენელი უკრაინასთან ომში უკვე დაიჭრა, ათასობით დაიღუპა, ხაზგასმით აღნიშნა ელბეგდორჟმა. „ნუ ესვრით უკრაინელებს, თქვენს დებსა და ძმებს, ბავშვებსა და მოხუცებს“, - თქვა მან.

ამასთან აღსანიშნავია, რომ მონღოლეთი - ბურიატიის სასაზღვრო პუნქტ „კიახტაზე“, მობილიზაციის გამოცხადების შემდეგ, ათასობით ამ ხალხების წარმომადგენელი მონღოლეთში გადასხვლას ცდილობს. სასაზღვრო პუნქტი კიახტა მდებარეობს ირკუტსკიდან 520 კილომეტრში, ულან-უდიდან 230 კილომეტრში. 21 სექტემბრის დღის მეორე ნახევარში ტელეგრამის არხმა Kyakhta-მ გაავრცელა ინფორმაცია, რომ რუსეთ-მონღოლეთის საზღვარზე "დიდი მღელვარება" იყო. 22 სექტემბერს, დილით, მონღოლეთის საგარეო საქმეთა სამინისტრომ განაცხადა, რომ ამ სასაზღვრო პუნქტზე რიგები არ იყო, ის ჩვეულ რეჟიმში მუშაობდა, იტყობინება საინფორმაციო სააგენტო Eagle.

ავტორი: ექსპრესნიუსი,

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen