პირი, რომელმაც ქუთაისში, მოსწავლე ახალგაზრდობის პარკში რუსეთის დროშა აღმართა, სასამართლომ 500 ლარით დააჯარიმა.

სასამართლოს ცნობით, გიორგი ძაგნიძეს ქვეყანა დატოვებული აქვს, მასთან კომუნიკაცია სოციალური ქსელის მეშვეობით მოხერხდა.

როგორც ძაგნიძის ოჯახი აცხადებს, მომხდარის გამო ისინი თავად არიან დაზარალებულები და აპირებენ, სასამართლოში იჩივლონ.

შეგახსენებთ, რომ 8 აგვისტოს, გიორგი ძაგნიძემ ქუთაისში, მოსწავლე ახალგაზრდობის პარკში რუსეთის დროშა აღმართა.

ოკუპანტის დროშა საქართველოს დროშის გვერდით რამდენიმე საათის განმავლობაში ფრიალებდა, რომელიც მოგვიანებით დაცვის სამსახურის თანამშრომლებმა ჩამოხსნეს.

აღნიშნულ ფაქტს გამოეხმაურა ქუთაისის მუნიციპალიტეტის მერია და აღნისნა, რომმათ მოახერხესმოქალაქის იდენტიფიცირება და შედგენილ იქნა ადმინისტრაციულ სამართალდარღვევათა ოქმი.

მერიის ცნობით, ადმინისტრაციული სამართალდარღვევა კოდექსის 150-ე მუხლის 2 პრიმა  ნაწილით მოხდა.

ავტორი: ექსპრესნიუსი,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს