უკრაინაში სრულმასშტაბიანი შეჭრის დაწყებიდან რუსეთმა 3500 რაკეტა გაისროლა. შესაბამისი ინფორმაცია სტრატეგიული სარდლობის პრესცენტრმა უკრაინის გარემოს დაცვისა და ბუნებრივი რესურსების მინისტრ რუსლან სტრელცზე მითითებით გაავრცელა.

„ გარდა ადამიანური მსხვერპლისა, რაკეტების აფეთქებებს თან ახლავს ატმოსფერული ჰაერის, ნიადაგისა და წყლის დაბინძურების გამონაბოლქვი და ფლორისა და ფაუნის დაზიანება“, - აცხადებს სტრელცი.

ბოლო მონაცემებით, უკრაინის ტერიტორიის დაახლოებით 200 000 კვადრატული კილომეტრი განაღმვას საჭიროებს. ექვსი თვის განმავლობაში სახელმწიფო საგანგებო სიტუაციების სამსახურის პიროტექნიკამ გაანეიტრალა 186 ათასზე მეტი საბრძოლო მასალა და ორი ათასზე მეტი ბომბი.

„ჩვენ ვიგრძნობთ რუსული დაბომბვის შედეგებს უკრაინის ეკოლოგიაზე ათწლეულების განმავლობაში“, - შეაჯამა მინისტრმა.

როგორც UNIAN იტყობინება,  უკრაინის საჰაერო თავდაცვას  ახლა რუსული რაკეტების 50-დან 70%-მდე ჩამოგდება შეუძლია. საჰაერო თავდაცვის 100%-იანი ეფექტურობის უზრუნველყოფა ჯერჯერობით შეუძლებელია.

ავტორი: ექსპრესნიუსი,

სოციალური ქსელები

გულია: აფხაზეთს შეუძლია დღეში ათასი უპილოტო საფრენი აპარატით შეუტიოს საქართველოს და 10 დღეში გაიმარჯვოს

„რუმს ჰოტელსისა“ და „აჭარა ჯგუფის“ დამფუძნებელი თემურ უგულავა გარდაიცვალა

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა

ერთი მოწვევა, ორი საჩუქარი - ახალი შესაძლებლობა თიბისის მობაილბანკში