რომის პაპისა და მისი ქვეშევრდომების მთავარი მიზანია, ყველა კეთილი ნების მქონე ადამიანს სოლიდარობისა და მშვიდობის აღდგენისკენ მოუწოდონ. მისი განცხადებები არ უნდა ჩაითვალოს პოლიტიკურ განცხადებებად,- ამის შესახებ ინფორმაციას Vatican News-ს ავრცელებს.

კომუნიკეში ასევე ნათქვამია, რომ რომის პაპის სიტყვები იმის შესახებ, რომ მოკლული რუსი ჟურნალისტი დარია დუგინა ომის უდანაშაულო მსხვერპლია, უნდა განიხილებოდეს როგორც ადამიანის სიცოცხლისა და მასთან დაკავშირებული ფასეულობების დასაცავად ამაღლებული ხმა და არა როგორც პოლიტიკური პოზიცია.

„რაც შეეხება რუსეთის ფედერაციის მიერ წამოწყებულ ფართომასშტაბიან ომს უკრაინაში, წმინდა მამა ფრანცისკეს ინტერვენციები აშკარაა და ცალსახაა დაგმოს ის, როგორც მორალურად უსამართლო, მიუღებელი, ბარბაროსული, უაზრო, ამაზრზენი და მკრეხელური“,- ნათქვამია განცხადებაში.

შეგახსენებთ, რომ მანამდე  რომის პაპმა ფრანცისკემ განაცხადა, რომ რუსი პროპაგანდისტის, ალექსანდრე დუგინის ქალიშვილი, რომელმაც 20 აგვისტოს მანქანაში აფეთქდა, სავარაუდოდ "ომის უდანაშაულო მსხვერპლია”.

გარდა ამისა, რომის პაპმა მსოფლიოს მოუწოდა „კონკრეტული ნაბიჯების“ გადადგმისკენ. მან ისაუბრა უკრაინაში ომის დასრულების აუცილებლობაზე და ზაპორიჟჟიას ელექტროსადგურზე ბირთვული კატასტროფის რისკის თავიდან აცილებაზე.

ავტორი: ექსპრესნიუსი,

სოციალური ქსელები

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში

ახალი კონფლიქტი: ვარშავამ კიევი ისტორიულ პროვოკაციაში დაადანაშაულა

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება