რუსეთის ყოფილი პრეზიდენტი და ფედერაციის უშიშროების საბჭოს თავმჯდომარის ამჟამინდელი მოადგილე დიმიტრი მედვედევი ლუგანსკის ოლქის ოკუპირებულ ნაწილს ეწვია, სადაც ვლადიმერ პუტინის სახელით უსაფრთხოების შეხვედრა გამართა.

მედვედევის თქმით, მან პუტინის სახელით გამართა შეხვედრა, სადაც მონაწილეებმა განიხილეს უსაფრთხოების საკითხები აღმოსავლეთ უკრაინაში რუსეთის მიერ ოკუპირებულ ტერიტორიებზე."განსაკუთრებული აქცენტი" გაკეთდა "LPR-ს და DPR-ს კანონმდებლობის ჰარმონიზაციაზე რუსეთის ფედერაციის კანონმდებლობასთან".

 "მე ვეწვიე ლუგანსკის სახალხო რესპუბლიკას, სადაც შევხვდი LPR-ს ხელმძღვანელებს ლეონიდ პასიჩნიკს და DPR-ს მმართველს დენის პუშილინს,"- წერს მედვედევი.

მედვედევის თქმით, შეხვედრაში ასევე მონაწილეობდა  რუსეთის ფედერაციის გენერალური პროკურორი იგორ კრასნოვი, რუსეთის ფედერაციის პრეზიდენტის ადმინისტრაციის უფროსის პირველი მოადგილე სერგეი კირიენკო, შინაგან საქმეთა სამინისტროს ხელმძღვანელი ვლადიმერ კოლოკოლცევი, სამშენებლო სამინისტროს უფროსი ირეკ ფაიზულინი, FSB-ს დირექტორი [ უშიშროების ფედერალური სამსახური] ალექსანდრე ბორტნიკოვი და  საგამოძიებო კომიტეტის ხელმძღვანელი ალექსანდრე ბასტრიკინი .

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია