2022-05-22 15:29:01, 1737 ნახვა
ომი უკრაინაში
ევკუროვის დისშვილი, რომელიც უკრაინაში მოკლეს, დღეს ინგუშეთში დაკრძალეს
უკრაინის ომში დაიღუპა რუსი ოკუპანტების საჰაერო სადესანტო ასეულის მეთაური, კაპიტანი ადამ ხამხოევი. ის იყო რუსეთის ფედერაციის თავდაცვის მინისტრის მოადგილის და ინგუშეთის ყოფილი ხელმძღვანელის იუნუს-ბეკ ევკუროვის დისშვილი.
დღეს ინგუშეთში მისი დაკრძალვის ცერემონია გაიმართა.
დედამისი ევკუროვის დაა. თავად ხამხოევი იყო რიაზანის საჰაერო სადესანტო ძალების უმაღლესი სამეთაურო სკოლის კურსდამთავრებული, მსახურობდა ულიანოვსკში.
პროპაგანდისტული მედიის ცნობით, გარდაცვლილი ოკუპანტის სახელი აგრესორი ქვეყნის საჰაერო-სადესანტო ჯარებში „კარგად იყო ცნობილი“, მას თითქოს „ბრწყინვალე ოფიცერი და კომპეტენტური მეთაური“ იცნობდნენ. ამავდროულად, ბიძა დაეხმარა მას კარიერის აშენებაში.
ავტორი: ექსპრესნიუსი,
epn.ge (@expressnews.ge)
