რუსეთის ფედერაციის გამორიცხვას ყველა საერთაშორისო დიალოგიდან არასწორი იქნებოდა. ამის შესახებ ინფორმაციას ავსტრიის საგარეო საქმეთა მინისტრი ალექსანდრე შალენბერგი ავრცელებს.

მინისტრის განცხადებით, რუსეთის გამორიცხვა სახელმწიფოებს შორის დიალოგს შეუძლებელს გახდის. ამასთან ქვეყნებს, მათ შორის ევროპულ ქვეყნებს, უნდა შეეძლოთ დიალოგი, ამიტომ საერთაშორისო პლატფორმებიდან ვინმეს გამორიცხვა დიპლომატიის საფრთხედ იქცევა.

„არასწორი იქნებოდა მოსკოვის გამორიცხვა საერთაშორისო დიალოგის ყველა პლატფორმიდან... ავსტრია ყოველთვის იყო ქვეყანა, რომელმაც იცოდა როგორ ელაპარაკო ყველასთან. ვენა არის გაეროს ადგილსამყოფელი - ერთადერთი ევროკავშირში. ეუთო, რომელიც არის ყველაზე მნიშვნელოვანი პლატფორმა რუსებთან და ბელორუსებთან კონტაქტებისთვის, ჩვენი მოლოდინები დაბალი იყო, მაგრამ თუ არის შესაძლებლობა ლიდერთან პირისპირ ვისაუბროთ ომის დანაშაულებებზე, საერთაშორისო სამართლის დარღვევაზე, მაშინ ღირს ცდა“.- განაცხადა შალენბერგმა.

გარდა ამისა, მან დასძინა, რომ ავსტრია ინარჩუნებს სამხედრო ნეიტრალიტეტს და არა პოლიტიკურს. შესაბამისად, ქვეყანა მხარს უჭერს ყველა ზომას რუსეთის ფედერაციაზე ეკონომიკური ზეწოლის მიზნით, რომელიც ევროკავშირმა მიიღო.

შეგახსენებთ, რომ მანამდე ავსტრიამ მხარი დაუჭირა სანქციების წინა ხუთ პაკეტს, გარდა ამისა ავსტრიამ ასევე ულტიმატუმი წაუყენა რუსულ გაზპრომს და გამოაცხადა, რომ წაართმევდა მიწისქვეშა საწყობებს ზალცბურგში.

ავტორი: ექსპრესნიუსი,

სოციალური ქსელები

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის