2022-05-10 10:54:27, 1482 ნახვა
ომი უკრაინაში
უკრაინაში საარტილერიო დაბომბვას რადას ყოფილი დეპუტატი დავით ჟვანია ემსხვერპლა
ზაპოროჟიეს რაიონში საარტილერიო სროლის შედეგად, უკრაინის რადას ყოფილი დეპუტატი დავით ჟვანია დაიღუპა. ამის შესახებ ინფორმაციას უკრაინის შინაგან საქმეთა სამინისტროს მრჩეველი ანტონ გერაშენკო ავრცელებს.
მისივე თქმით, ჟვანია უკრაინაში, „ნაცრისფერ ზონაში“ რუსი ოკუპანტების საგუშაგოსთან დაბომბვისას გარდაიცვალა. ჭურვი ავტომობილს მოხვდა, რომელშიც ყოფილი დეპუტატი იმყოფებოდა.
უკრაინული მედიის ცნობით, დავით ჟვანიას რუსეთის მოქალაქეობა ჰქონდა და „როსატომის“ არაოფიციალური წარმომადგენელი იყო. დავით ჟვანია იყო უკრაინის უმაღლესი რადას IV-VII მოწვევის დეპუტატი. 2005 წლის თებერვლიდან სექტემბრამდე იულია ტიმოშენკოს მთავრობაში უკრაინის საგანგებო სიტუაციების მინისტრის პოსტს იკავებდა.
ავტორი: ექსპრესნიუსი,
epn.ge (@expressnews.ge)
