2022-05-03 15:53:38, 1591 ნახვა
ომი უკრაინაში
უკრაინული მედიის ინფორმაციით, რუსმა სამხედროებმა აზოვსტალის ქარხანაზე შეტევა დაიწყეს
უკრაინული მედიის ცნობით, რუსმა სამხედროებმა მარიუპოლში მდებარე აზოვსტალის ქარხანაზე შეტევა დაიწყეს.
აზოვის პოლკის მეთაურის მოადგილემ, სვიატოსლავ პალამარმა, Ukrainska Pravda-სთვის მიცემულ მოკლე კომენტარში დაადასტურა, რომ ოკუპანტები ქარხანაში შეჭრას სწორედ ცდილობენ.
„მთელი ღამე გვაბომბავდნენ საჰაერო ბომბებით, დაიღუპა ორი მშვიდობიანი ქალი და ახლა აზოვსტალზე თავდასხმა ხდება.ამჟამად ცდილობენ ქარხნის ტერიტორიაზე შეჭრას. “, - თქვა მან.
უკრაინელი ჟურმალისტი ანდრეი ცაპლიენკო ამბობს, რომ თავდასხმამდე რუსული ავიაცია რამდენიმე საათის განმავლობაში აზოვსტალს ბომბავდა, რამაც ხანძარი გამოიწვია.
ავტორი: ექსპრესნიუსი,
epn.ge (@expressnews.ge)
