რუსეთის პრეზიდენტი ვლადიმერ პუტინი  „პრინციპში“ დათანხმდა გაეროს და წითელი ჯვრის (ICRC) ჩართვას უკრაინის აზოვსტალის ქარხნიდან მშვიდობიანი მოსახლეობის ევაკუაციაში. ამის შესახებ ინფორმაციას გაეროს სპიკერი, სტეფან დუჟარიკი, ავრცელებს.

 სპიკერის თქმით, გაეროს გენერალურმა მდივანმა, ანტონიო გუტერესმა, პრეზიდენტ ვლადიმერ პუტინთან შეხვედრისას ჰუმანიტარული დახმარებისა და მშვიდობიანი მოსახლეობის ევაკუაციის შესაძლებლობები განიხილა.

,, ვისაუბრეთ ალყაში მოქცეული საპორტო ქალაქ მარიუპოლში არსებული ვითარების შესახებ, სადაც ათასობით მშვიდობიანი მოქალაქე და უკრაინელი ჯარისკაცი  აზოვსტალის ფოლადის ქარხანაში იმყოფება.პრეზიდენტი პრინციპში დათანხმდა გაეროს და წითელი ჯვრის საერთაშორისო კომიტეტის ჩართვას მარიუპოლის აზოვსტალის ქარხნიდან მშვიდობიანი მოსახლეობის ევაკუაციაში “, - ნათქვამია გაეროს მიერ გავრცელებულ განცხადებაში.

შემდგომი დისკუსიები  გაეროს ჰუმანიტარულ საქმეთა კოორდინაციის ოფისსა და რუსეთის თავდაცვის სამინისტროს შორის გაიმართება, ნათქვამია განცხადებაში.

ავტორი: ექსპრესნიუსი,

სოციალური ქსელები

ელენე ხოშტარიას დედა ბიძინა ივანიშვილს - ვერ გადამირჩები! მე გეყოფი შენ!

მსოფლიო გელოდება MyCellfie APP-ში! მოიგე მეგაბაიტები, ყველაფერი ულიმიტო და PlayStation 5

სპეციალური პენიტენციური სამსახური - ელენე ხოშტარია უზრუნველყოფილია ყველა საჭირო სამედიცინო მომსახურებით

სამართალდამცველებმა „ქურდულ სამყაროსთან” კავშირში მყოფი 21 პირი დააკავეს - ვიდეო