BBC-ის თანახმად, ეგზიტპოლის შედეგებით, საპრეზიდენტო არჩევნებში ცენტრისტმა ემანუელ მაკრონმა 58%-ით გაიმარჯვა. შესაბამისად, მისმა კონკურენტმა, ულტრამემარჯვენე კანდიდატმა, მარინ ლე პენმა 42% მიიღო.

გამოკითხვების მიხედვით, საფრანგეთის საპრეზიდენტო არჩევნების მეორე ტურში მოქმედი პრეზიდენტი ემანუელ მაკრონი ხმათა 58.2 პროცენტით იმარჯვებს, მის კონკურენტ მარინ ლე პენს კი ხმათა 41.8 პროცენტი აქვს. წინასწარი მონაცემების თანახმად, საფრანგეთს მომდევნო ხუთი წლის განმავლობაში ემანუელ მაკრონი უხელმძღვანელებს.

ფრანგული მედიის ინფორმაციით, ბოლო კვირაში ჩატარებულ გამოკითხვებთან შედარებით, ემანუელ მაკრონს უფრო დიდი უპირატესობა აქვს, თუმცა სხვაობა 2017 წლის არჩევნებთან შედარებით, უფრო მცირეა, როდესაც ემანუელ მაკრონმა ხმების 66.1 პროცენტი მიიღო, მარინ ლე პენმა კი 33.9 პროცენტი.

ემანუელ მაკრონი საფრანგეთის პრეზიდენტად პირველად 2017 წელს აირჩიეს. მისი თქმით, მისი ყველაზე დიდი მიღწევა უმუშევრობის და გადასახადების შემცირებაა, ასევე, ეროვნული უსაფრთხოებისთვის ხარჯების ზრდა.

საფრანგეთში საპრეზიდენტო არჩევნების პირველი ტური 10 აპრილს გაიმართა. პირველ ტურში ხმათა 50 პროცენტი ვერც ერთმა კანდიდატმა ვერ დააგროვა. შედეგად, არჩევნების მეორე ტური საუკეთესო შედეგის მქონე ორ კანდიდატს, მოქმედ პრეზიდენტს, ცენტრისტ ემანუელ მაკრონსა და მის კონკურენტს, ულტრამემარჯვენე მარინ ლე პენს შორის დაინიშნა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს