2022-04-15 14:48:23, 1369 ნახვა
მსოფლიო
The Washington Post - რუსეთი აშშ-ს აფრთხილებს, შეწყვიტოს უკრაინის შეიარაღება
რუსეთმა ამერიკის შეერთებულ შტატებს ოფიციალური დიპლომატიური ნოტა გაუგზავნა, რომელშიც გააფრთხილა, რომ უკრაინისთვის იარაღის მიწოდება კონფლიქტს ამწვავებს და შესაძლოა „არაპროგნოზირებადი შედეგები გამოიწვიოს “. - ამის შესახებ ინფორმაციას ამერიკული გამოცემა Washington Post ავრცელებს.
„მოვუწოდებთ შეერთებულ შტატებსა და მის მოკავშირეებს შეაჩერონ უკრაინის უპასუხისმგებლო მილიტარიზაცია, რაც იწვევს არაპროგნოზირებად შედეგებს რეგიონულ და საერთაშორისო უსაფრთხოებისთვის“, - ნათქვამია ნოტაში.
შეგახსენებთ, დიპლომატიური ნოტა მოსკოვმა მას შემდეგ გაიგზავნა, რაც პრეზიდენტმა ჯო ბაიდენმა უკრაინის შეიარაღებისთვის დამატებით 800 მილიონი აშშ დოლარი გამოყო.
ავტორი: ექსპრესნიუსი,
epn.ge (@expressnews.ge)
