უკრაინის პრეზიდენტი ვოლოდიმირ ზელენსკი აცხადებს, რომ უკრაინის გამარჯვების პირველი ნაბიჯები მაშინ დაიწყება, როცა ლტოლვილები საკუთარ ქვეყანას დაუბრუნდებიან. ამის შესახებ მან სკოტ პელისთან ინტერვიუსას, გადაცემა "60 Minutes"-ში ისაუბრა.

როგორც ვოლოდიმირ ზელენსკი აღნიშნავს, მან იცის თუ რა მოხდება უკრაინაში გამარჯვების შემდეგ, თუმცა ამაზე საუბარი ნაადრევად მიაჩნია. 

"პირველ რიგში, ჩვენი ხალხი აუცილებლად იგრძნობს გამარჯვებას. ისინი დაბრუნდებიან. [ლტოლვილების] დაბრუნება უკრაინის სხეულისთვის სისხლის დაბრუნების მსგავსი იქნება. ისინი ყველაზე მნიშვნელოვანი არიან. დაბომბვები დასრულდება. ჩვენ დავიბრუნებთ ჩვენს ტერიტორიებს. ქვეყანაში რუსი ჯარისკაცები აღარ იქნებიან.

დიახ, მე მესმის, რომ ისინი არ დატოვებენ ყირიმს და ჩვენ ვიდავებთ და მოვილაპარაკებთ ჩვენი ქვეყნის სამხრეთით, დონბასში ამა თუ იმ ტერიტორიის გამო.

მე ზუსტად ვიცი, რა მოხდება, მას შემდეგ, რაც შეგვეძლება ვთქვათ "ეს გამარჯვებაა", მაგრამ ჯერ ამაზე არ ვილაპარაკებ", - აცხადებს ვოლოდიმირ ზელენსკი. 

შეგახსენებთ, რომ რუსეთმა უკრაინის საერთაშორისოდ აღიარებული სუვერენიტეტი 2022 წლის 24 თებერვალს დაარღვია, როდესაც რუსეთის პრეზიდენტმა, ვლადიმერ პუტინმა უკრაინაში "სამხედრო ოპერაციის" დაწყების შესახებ განაცხადა. ქვეყნის მასშტაბით დაიწყო სარაკეტო დარტყმები, მათ შორის დედაქალაქთან, კიევთან ახლოს. ბრძოლა დღესდღეობითაც გრძელდება, რუსი ოკუპანტები აგრძელებენ უკრაინის ქალაქებსა და მშვიდობიან მოსახლეობაზე თავდასხმას. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს