ნებისიერი დროებითი ზავი მოსკოვთან - ეს არის მომავლისთვის გადადებული ომი, - ამის შესახებ უკრაინის პრეზიდენტის აპარატის უფროსის მრჩეველმა, მიხაილო პოდოლიაკმა განაცხადა.

„მოსკოვთან ნებისმიერი დროებითი ზავი არის მომავლისთვის გადადებული ომი, 2-5 წელიწადში. რუსეთი არის ქვეყანა, რომელიც ყიდის მხოლოდ ომს მეზობლებთან, ამიტომ ყოველთვის დიდი რისკია. ჩვენ ეს არ გვჭირდება, ჩვენ გვჭირდება გარანტიები. ჩვენ ყოველთვის ვსაუბრობთ ჰუმანიტარული ცეცხლის შეწყვეტაზე, მაგრამ რუსეთი ხელს უშლის ამას. ის რაც ბუჩაში ვნახეთ, რუსეთის ომის სტილია.  ისინი მხოლოდ მშვიდობიან მოსახლეობას ებრძვიან“, - განაცხადა პოდოლიაკმა.

ასევე, როგორც პრეზიდენტის ოფისის მრჩეველმა აღნიშნა, რუსეთის ფედერაციის ხელმძღვანელობა ხედავს, რომ კარგავს რუსულ ჯარებს.

„ბოლო ორი კვირაა რუსი „ტოპ პირები“ გამუდმებით აკეთებენ განცხადებებს, საიდანაც ირკვევა, რომ ძალიან ნერვიულობენ და არ ესმით, რა ხდება“, - აღნიშნა პოდოლიაკმა.

მანვე დასძინა, რომ უკრაინას აქვს გეგმა, რომელსაც იცავს.

„რუსეთი ამას ხედავს, ხედავს, რომ ფრონტზე მათ არანაირი უპირატესობა არ აქვთ. ისინი ელიან, რომ დონბასისთვის ბრძოლა მნიშვნელოვნად გააუმჯობესებს მათ პოზიციებს“, - დასძინა პოდოლიაკმა.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა