გერმანიის ხელისუფლება ქვეყნიდან 40 რუს დიპლომატს აძევებს. შესაბამის ინფორმაციას „ბიბისი“ გერმანულ მედიაზე დაყრდნობით ავრცელებს. აღნიშნული გადაწყვეტილება გერმანიის ხელისუფლებამ უკრაინის ქალაქ ბუჩაში მშვიდობიანი მოქალაქეების მასობრივი მკვლელობის საპასუხოდ მიიღო.

მანამდე, გერმანიის საგარეო საქმეთა მინისტრმა, ანალენა ბერბოკმა განაცხადა, რომ გერმანია რუსეთის საელჩოს მნიშვნელოვანი რაოდენობის თანამშრომლებს არასასურველ პირებად გამოაცხადებს.

„ბუჩადან სურათები მეტყველებს წარმოუდგენელ სისასტიკეზე რუსეთის ხელისუფლების მხრიდან და მათი მხრიდან, ვინც მის პროპაგანდას მიჰყვება. შესაბამისად, გერმანიის მთავრობამ დღეს გადაწყვიტა, არასასურველ პირებად გამოაცხადოს რუსეთის თანამშრომლების მნიშვნელოვანი რაოდენობა, რომლებიც აქ, გერმანიაში ყოველდღიურად ჩვენი თავისუფლების წინააღმდეგ, ჩვენი საზოგადოების ერთიანობის წინააღმდეგ მუშაობენ“, – განაცხადა ბერბოკმა.

როგორც სააგენტო „როიტერი“ აღნიშნავს, გერმანიის საგარეო საქმეთა სამინისტროს აკრედიტებული ჰყავს ქვეყანაში 104 რუსი დიპლომატი.

ამასთან, მინისტრმა აღნიშნა, რომ გერმანია უკრაინის შეიარაღებული ძალების მხარდაჭერას გააძლიერებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს