რეფერენდუმი, რომელზეც ოკუპირებული სამხრეთ ოსეთის მოსახლეობა რუსეთთან შეერთების საკითხზე იმსჯელებს, შესაძლოა მაის-ივნისში ჩატარდეს, - ამის შესახებ გამოცემა TASS-ს სახელმწიფო სათათბიროს, ევაზიულ ინტეგრაციასა და თანამემამულეებთან ურთიერთობის კომიტეტის თავმჯდომარის პირველმა მოადგილემ, ვიქტორ ვოდოლაცკიმ განუცხადა. 

ერთი დღით ადრე, სამხრეთ ოსეთის ე.წ რესპუბლიკის დე-ფაქტო პრეზიდენტმა, ანატოლი ბიბილოვმა განახადა, რომ ქვეყანა უახლოეს მომავალში გადადგამს სამართლებრივ ნაბიჯებს რუსეთის ფედერაციის შემადგენლობაში შესვლასთან დაკავშირებით. 

როგორც TASS-ს ოკუპირებული რესპუბლიკის მეთაურის პრესმდივანმა, დინა გასიევამ განუცხადა, პროცედურები საპრეზიდენტო არევნების შემდეგ გაიმართება, რომელიც 10 აპრილს გაიმართება. 

„ვფიქრობ, რომ 10 აპრილს, როდესაც სამხრეთ ოსეთში რესპუბლიკის პრეზიდენტის არჩევნები გაიმართება, რეფერენდუმის თარიღები უკვე ნათელი იქნება, როდის გამოცხადდება ის. არჩევნების შემდეგ, პრეზიდენტი ფიცს დადებს და აღნიშნულ პროცედურას ის განახორციელებს, ვფიქრობ, ამას დიდი დრო არ დასჭირდება, მაისი-ივნისი", - განაცხადა დინა გასიევამ. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს