კრემლის სპიკერის, დიმიტრი პესკოვის განცხადებით, რუსეთს ჯერ კიდევ არ მიუღწევია თავისი სამხედრო მიზნებისთვის უკრაინაში. CNN-თან ინტერვიუში დიმიტრი პესკოვმა უარი თქვა გამოერიცხა, რომ მოსკოვი ბირთვულ იარაღს გამოიყენებს.

ჟურნალისტის შეკითხვაზე, თუ რა პირობებში გამოიყენებს ვლადიმერ პუტინი რუსეთის ბირთვულ შესაძლებლობებს, დიმიტრი პესკოვმა უპასუხა:

„თუ იქნება ეგზისტენციალური საფრთხე ჩვენი ქვეყნისთვის, მაშინ შესაძლებელია მოხდეს მისი გამოყენება“, - განაცხადა დიმიტრი პესკოვმა.

დიმიტრი პესკოვმა ასევე განაცხადა, რომ უკრაინაში მიმდინარე „სპეციალური სამხედრო ოპერაცია“ მკაცრად მიმდინარეობს იმ გეგმებისა და მიზნების შესაბამისად, რომლებიც წინასწარ იყო დადგენილი.

ამასთანავე, დიმიტრი პესკოვმა გაიმაორა ვლადიმერ პუტინის მოთხოვნები და განაცხადა, რომ „სპეციალური სამხედრო ოპერაციის მთავარი მიზნები“ არის „უკრაინის სამხედრო პოტენციალის აღმოფხვრა“, ასევე  „ნაციონალისტური ბატალიონების“ მოშორებაა.

ამასთანავე, დიმიტრი პესკოვმა აღნიშნა, რომ „სამხედრო ოპერაციის“ მიზანია უკრაინამ მიიღოს, რომ 2014 წელს რუსეთის მიერ ანექსირებული ყირიმი - რუსეთის ნაწილია და სეპარატისტული სახელმწიფოები ე.წ დონეცკისა და ლუგანსკის რესპუბლიკები „უკვე დამოუკიდებელი სახელმწიფოებია“.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა