2022-02-07 20:37:25, 637 ნახვა
საზოგადოება
გიორგი სანაიას ყოფილი მეუღლის სახლში შეიჭრნენ - დაწყებულია გამოძიება
ჟურნალისტი გიორგი სანაიას ყოფილი მეუღლის, ხათუნა ჩხაიძის სახლში შეიჭრნენ.
ამ დროისთვის, ჯერჯერობით უცნობია სახლში რას ეძებდნენ. ამბავს ტელეკომპანია „ფორმულა“ ავრცელებს.
უკანასკნელი ცნობებით, ადგილზე საგამოძიებო მოქმედებები მიმდინარეობს სახლიდან კი, დაკარგული არაფერია.
აღნიშნულთან დაკავშირებით, ხაზგასასმელია, რომ 27 იანვარს, ტელეკომპანია „ფორმულა“-ზე ვახო სანაიას ეთერში, გიორგი სანაიას მკვლელობის საქმის ოქროს მოწმემ, კონსტანტინე ციხისთავმა განაცხადა, რომ ჟურნალისტის მკვლელობა პრემიერ ღარიბაშვილის სიმამრმა, თამაზ თამაზაშვილმა, მაშინდელმა შს მინისტრის მოადგილემ ვლადიმერ ბაკურაძემ და შოთა ჭიჭიაშვილმა დაგეგმეს და განახორციელეს.
ავტორი: ექსპრესნიუსი,
epn.ge (@expressnews.ge)
