2022-02-03 17:15:44, 924 ნახვა
საზოგადოება
ილია მეორე რუსეთის პატრიარქს - თქვენ დიდი წვლილი შეიტანეთ რუსეთში სულიერი და ტრადიციული ღირებულებების აღორძინებაში
სრულიად საქართველოს კათოლიკოს-პატრიარქი ილია მეორე რუსეთის პატრიარქს კირილს აღსაყდრების იუბილეს ულოცავს.
"თქვენო უწმინდესობავ!
გთხოვთ, მიიღოთ თქვენი აღსაყდრების დღისადმი ჩვენი გულითადი მილოცვა.
მინდა, ხაზი გავუსვა, რომ წლების განმავლობაში თქვენი მსახურების პერიოდში დიდი წვლილი შეიტანეთ რუსეთში სულიერი და ტრადიციული ღირებულებების აღორძინებაში.
დღეს, როგორც არასდროს მთელი მსოფლიო დიდი გამოწვევის წინაშე დგას და განსაკუთრებული მნიშვნელობა აქვს სულიერი და მორალური ღირებულებების დაცვას. გისურვებთ ჯანმრთელობას, სულიერ სიმტკიცეს და სულიერ სიხარულსა და ღვთის წყალობას ყველა საღვთო საქმეში. " - წერია მილოცვაში.
ავტორი: ექსპრესნიუსი,
epn.ge (@expressnews.ge)
