რუსეთში კემეროვოს ოლქში ქალაქ კუსბასში  "ლისტვაჟნაიას" მაღაროში აფეთქება მოხდა, რამაც კვამლი გამოიწვია. იმ მომენტში მიწისქვეშეთში 285 ადამიანი იმყოფებოდა, მათი უმეტესობის ევაკუაცია მოხერხდა. დაიღუპა 52 ადამიანი - 46 მეშახტე და 6 მაშველი.

ოლქის გუბერნატორმა სერგეი ცივილევმა სამდღიანი გლოვა გამოაცხადა. 

საგანგებო სიტუაციების სამინისტროში განაცხადეს, რომ აფეთქების შედეგად შახტში მუშაობისას დაღუპული ექვს მაშველს მამაცობის ორდენით დაჯილდოებენ. ლისტვაჟნაია-ზე დაღუპულთა ოჯახები სოციალური დაზღვევის ფონდისგან მილიონ რუბლს მიიღებენ, გარდა ამისა, ჰოლდინგი Siberian Business Union, რომელიც ფლობს მაღაროს, დაღუპულ მაღაროელების ოჯახებს ორი მილიონ რუბლს გადაუხდის.

რუსეთის საგამოძიებო კომიტეტმა სისხლის სამართლის საქმე გაუფრთხილებლობით, რის შედეგადაც დაიღუპა ორი ან მეტი ადამიანი (სსკ-ის 293-ე მუხლის მე-3 ნაწილი) აღძრა. 

მაღაროში აფეთქების საქმეზე დააკავეს როსტეხნაძორის თანამშრომლები. ამის შესახებ უწყების პრესსამსახურში განაცხადეს.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს