კოჯორში, აზეულას ქუჩაზე, 6 000 კვ.მ. ფართობზე, თანამედროვე სტანდარტების გათვალისწინებით ახალი სკვერი მოეწყო.

პროექტის ფარგლებში, საბავშვო ზონები, სპორტული მოედანი და ტრენაჟორები განთავსდა. მოეწყო საფეხმავლო და ველო ბილიკები, სარწყავი სისტემა. სრულად შეიცვალა და მხატვრული ეფექტით განახლდა განათების სისტემა. საპარკე სკამები და ურნები დამონტაჟდა. ასევე, ტერიტორიაზე მწვანე საფარი სრულად შენარჩუნდა და ახალი ნარგავებიც გაშენდა.

დასრულებულ სამუშაოებს მთაწმინდის რაიონის გამგებელი დავით კირკიტაძე, თბილისის საკრებულოს მთაწმინდის რაიონის არჩეული კანდიდატი ზურაბ აბაშიძე და გამგეობის თანამშრომლები გაეცნენ.

„მთაწმინდის რაიონს კიდევ ერთი ახალი რეკრეაციული სივრცე შეემატა, რომელიც ყველა თაობის ადამიანისთვის არის გათვლილი.  ტერიტორიაზე  ინფრასტრუქტურა სრულად ამორტიზებული იყო. მასშტაბური სამუშაობის ფარგლებში კი,  მთლიანად განახლდა. აღნიშნული ტერიტორიით ისარგებლებენ, როგორც ადგილობრივი მცხოვრებლები, ასევე დამსვენებლები“, - განაცხადა დავით კირკიტაძემ.

სამუშაოებისთვის მთაწმინდის რაიონის გამგეობამ ადგილობრივი ბიუჯეტიდან 500 737 ლარი გამოყო.

ავტორი: NS (სტატია დაფინანსებულია),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის