2021-09-20 13:32:49, 707 ნახვა
საზოგადოება
როგორი ამინდი იქნება საქართველოში 25 სექტემბრამდე
გარემოს ეროვნული სააგენტოს ინფორმაციით, 20-21 სექტემბერს მაღალი ტემპერატურის ფონზე საქართველოს ცალკეულ რაიონში შესაძლოა მცირე წვიმა აღინიშნოს.
22-24 სექტემბერს საქართველოში მოსალოდნელია გრილი და ნოტიო ჰაერის მასების გავრცელება, დროგამოშვებით წვიმა ელჭექით, ზოგან ძლიერი. ჰაერის ტემპერატურა დღის საათებში დასავლეთ საქართველოს დაბლობში +17º, +22º, აღმოსავლეთ საქართველოს ბარში კი +20º, +25º-მდე დაიკლებს.
თბილისში 20-21 სექტემბერს თბილი და უნალექო ამინდია მოსალოდნელი, 22-24 სექტემბერს შედარებით აგრილდება და იწვიმებს. ჰაერის ტემპერატურა 20-21 სექტემბერს +29º, +31º, ხოლო 22-24 სექტემბერს +23º, +25º გრადუსის ფარგლებში დაფიქსირდება.
ავტორი: ექსპრესნიუსი,
epn.ge (@expressnews.ge)
