დღეიდან ბათუმში COVID-19-ის საწინააღმდეგო ვაქცინაციის პროცესში დამატებით ორი კლინიკა ჩაერთო. ინფორმაციას აჭარის ჯანდაცვის სამინისტროს პრესსამსახური ავრცელებს.

მათივე ცნობით, კლინიკების ჩამონათვალს - ირის ბორჩაშვილის სახელობის ჯანმრთელობის ცენტრი "მედინა" და "ბაუს" საერთაშორისო ჰოსპიტალი დაემატა.

ორივე დაწესებულებაში იმუნიზაციის პროცესს აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე, მოადგილესთან, მარი ზანაქიძესთან ერთად გაეცნო.

,აჭარაში გაფართოვდა იმუნიზაციის არეალი და პრაქტიკულად ყველა სამედიცინო დაწესებულება ჩაერთო პროცესში. სამედიცინო დაწესებულებები ,,ბაუ“ და ,,მედინა“ დღეიდან "ფაიზერით“ ახორციელებენ ვაქცინაციას. რაც შეეხება რესპუბლიკურ საავადმყოფოს, იქ არსებული ამცრელი ბრიგადების რაოდენობა გაიზარდა და სულ 10 ბრიგადა ემსახურება "ფაიზერზე" რეგისტრირებულ მოქალაქეებს.

ჯამში 9 სამედიცინო დაწესებულება და 16 ამცრელი ბრიგადა დაემატა იმუნიზაციის პროცესს. მინდა გითხრათ, რომ მთლიანად ამბულატორიული სექტორი მობილიზებულია ,,სინოფარმითა“ და ,,სინოვაკით“ ვაქცინაციაზე, ხოლო რაც შეეხება სტაციონალურ სამედიცინო დაწესებულებებს, აქ ხორციელდება ,,ფაიზერით ვაქცინაცია“, იგულისხმება ასევე მუნიციპალიტეტების - ხულოს, შუახევისა დაქედის სამედიცინო ცენტრები, სადაც დღეიდან უკვე შესაძლებელია ,,ფაიზერით“ ვაქცინაც“ - აღნიშნა მინისტრმა, ნინო ნიჟარაძემ.

ცნობისთვის, აჭარაში იმუნიზაციის არეალი დღითიდღე მზარდია. ამ ეტაპზე ვაქცინაცია მიმდინარეობს 20 სამედიცინო დაწესებულებაში და ბათუმის ორ მსხვილ სავაჭრო ცენტრში. უახლოეს დღეებში პროცესს დამატებით ქობულეთის, ხელვაჩაურის, ქედის შუახევისა და ხულოს ჯამში 8 ამბულატორია შეუერთდება.

მზარდია აცრილთა სტატისტიკაც რეგიონში. ამ ეტაპზე სხვადასხვა ვაქცინით აჭარაში 56 270 მოქალაქეა ვაქცინირებული.

ავტორი: NS (სტატია დაფინანსებულია),

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო