ჩვენთვის ძალიან საყურადღეობა ეპიდემიოლოგიური ვითარება, ქვეყანა ვეღარ გაუძლებს დაკეტვას და შეზღუდვებს, - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

ღარიბაშვილა ეკონომიკურ მდგომარეობაზეც ისაუბრა და აღნიშნა, რომ საქართველოში მაღალი ეკონომიკური ზრდა შეინიშნება, რაც მისივე თქმით, უპრეცედენტოა.

„ჩვენთვის ძალიან საყურადღებოა ეპიდემიოლოგიური ვითარება, უნდა ვმართოთ სიტუაცია. ამისთვის სახელმწიფო და მთავრობა ყველაფერს აკეთებს, მაქსიმაურად. ჩვენი მთავარი გამოსავალი ამ სიტუაციაში, ვაქცინაციაა. 2 მილიონზე მეტი ვაქცინა გვაქვს საქართველოში, აქედან გამომდინარე, კიდევ ერთხელ მინდა მოვუწოდო მოსახლეობას ჩავიტაროთ დროულად აცრები.

ჩვენი ქვეყნისთვის სწორი გზაა, რომ ერთის მხრივ შევინარჩუნოთ ეკონომიკური ზრდა, მაღალი ტემპი, გადახედეთ რეგიონების ქვეყნებს და ევროპის ქვეყნებში მიმდინარე ტენდენციებს, ასეთი ზრდა ბევრგან არ არის, ეს უპრეცედენტოა. ვფიქრობ, ვაქცინაციაზე გადის ეკონომიკის შენარჩუნების გზა და ამ სიტუაციიდან გადარჩენის გზა. ქვეყანა ვეღარ გაუძლებს დაკეტვას და შეზღუდვებს. ამიტომ უნდა ვმართოთ პროცესი და ხელი შევუწყოთ ეკონომიკის აღდგენას და ზრდას“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა