2021-05-24 18:18:07, 651 ნახვა
საზოგადოება
„ნამახვანჰესის“ საწინააღმდეგო აქციის მონაწილეებმა რუსთაველის გამზირი გადაკეტეს
„ნამახვანჰესის" მშენებლობის წინააღმდეგ მიმდინარე აქციის მონაწილეებმა რუსთაველის გამზირი, მათ შორის რუსთაველის მეტროს მიმდებარე ტერიტორია გადაკეტეს.
აქციის ერთ-ერთი ორგანიზატორის, ვარლამ გოლეთიანის განცხადებით, საპროტესტო ტალღა იქამდე გაგრძელდება, ვიდრე მათი ყველა მოთხოვნა არ დაკმაყოფილდება.
„გვაქვს სცენა მოწყობილი რესპუბლიკის მოედანზე და ასევე, კარვები გვაქვს იქ გაშლილი, ბუნებრივია, ამ ტერიტორიას ვერ დავტოვებთ და მივიღეთ გადაწყვეტილება, რომ დავიძრათ რესპუბლიკის მოედანზე და რუსთაველის ქუჩა გადავკეტოთ დღეს, ვიდრე არ შესრულდება ჩვენი მოთხოვნები, ამავდროულად ახლოს ვიქნებით იმ ძირითად ლოკაციასთან, სადაც დავიწყეთ ეს პროცესი, გადაიკეტება იქ ყველაფერი, ვიდრე არ შესრულდება ჩვენი მოთხოვნები“, - განაცხადა ვარლამ გოლეთიანმა.
ავტორი: ექსპრესნიუსი,
epn.ge (@expressnews.ge)
