„ერთიანი ნაციონალური მოძრაობის“ წევრი ნიკა მელია თბილისის მერიის ზედამხედველობის სამსახურის უფროსის გეგი ნიჟარაძის თანამდებობიდან გათავისუფლებას და მის სისხლის სამართლის პასუხისგებაში მიცემას მოითხოვს.

როგორც მელიამ აღნიშნა, 29 იანვარს შინაგან საქმეთა სამინისტროს სუს-ის თანამშრომლებმა, მერიის ზედამხედველობის თანამშრომლებთან ერთად, 3 საათის განმავლობაში ერთ-ერთ თანამშრომელს თავისუფლება შეუზღუდეს, ოთახში გამოამწყვდიეს, სიტყვიერ შეურაცხყოფას აყენებდნენ და ფიზიკური განადგურებით ემუქრებოდნენ. 

„ამ დანაშაულებრივ პროცესს თავიდან ბოლომდე ხელმძღვანელობდა შსს სუს-ის ერთ-ერთი მაღალჩინოსანი დაჩი ჯაფარიძე, რომელიც გახლავთ მთავარი სამმართველოს უფროსი, ხოლო მის დირექტივებს საკრებულოს შენობაში ასრულებდა არჩილ ბებიაშვილი და ზედამხედველობის სამსახურის უფროსი გეგი ნიჟარაძე. ზედამხედველობის სამსახურის უფროსი გეგი ნიჟარაძე დაუყოვნებლივ უნდა განთავისუფლდეს დაკავებული თანამდებობიდან და მიცემულ იქნას სისხლის სამართლებრივ პასუხისმგებლობაში. სახეზე არის უმძიმესი დანაშაული, სადაც როგორც მერიის მაღალჩინოსნები, ასევე შსს-ს მაღალჩინოსნები არიან გარეული. მე პირადად, თავიდან ბოლომდე ვაპირებ მივყვე ამ საქმეს, სანამ ყველა ის მოძალადე, რომელიც დასაქმებულია მერიის სამსახურებში, არ აგებენ სათანადოდ პასუხს, მათ შორის ვიცე მერი მარგიშვილი, რომელიც ასევე თავიდან ბოლომდე ხელმძღვანელობს ამ პროცესს. იგი გახლავთ საატესტაციო საკონკურსო კომისიის თავმჯდომარე. მე ვფიქრობ, ეს არის უკვე საკმარისი მტკიცებულება იმისათვის, რომ დღევანდელმა პროკურატურამაც ვერ დაუხუჭოს თვალი და მიეცეს შესაბამისი რეაგირება“, - განაცხადა ნიკა მელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტი ევროკავშირში VPN-ების შეზღუდვას განიხილავს

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას