11:34 - 14 May, 2026
ჩვენ შესახებ რეკლამა/ხელმოწერა
2021-03-26 16:43:52, 732 ნახვა

რეგიონი
ტურისტული პოტენციალის კვლევისას მთიან აჭარაში მეკლდეურობის განვითარების შესაძლებლობებიც შეფასდება

აჭარაში მთების, ტყეების, ხეობებისა და სოფლების ტურისტული პოტენციალის კვლევა იგეგმება. სკურდა, ღომა, ნაკონაღვარი და კიკიბო იმ მთებს შორისაა, სადაც კვლევებზე დაყრდნობით ახალი, გარდამავალი ტურისტული მარშრუტების იდენტიფიცირება და მარკირება მოხდება.

ასევე იგეგმება ტურისტულად მიმზიდველი და თემატური სოფლების იდენტიფიცირება და იქ არსებული საოჯახო-სასტუმრო სახლების, რეწვის ოსტატების და ხეობისთვის დამახასიათებელი, ტრადიციული კერძების აღწერა. კვლევა აჭარის რეგიონში მეკლდეურობის განვითარების პოტენციალის შეფასებასაც ითვალისწინებს.

აჭარის ტურიზმის დეპარტამენტის ტურისტული პროდუქტების განვითარების სააგენტო კვლევის საფუძველზე აჭარის მთებში ახალი ტურისტული პროდუქტებისა და მარშრუტების განვითარებას გეგმავს. ბოლო წლებში, აჭარის მუნიციპალიტეტების ტურისტული პოტენციალის კვლევებზე დაყრდნობით, სააგენტომ უკვე შექმნა 5 ახალი ტურისტული მარშრუტი და პროდუქტი, სადაც ტურისტებს მოგზაურობა შეუძლიათ. მათ შორისაა ქობულეთი-შუახევის გარდამავალი ტურისტული ბილიკი, ღორჯომი-ბახმაროს დამაკავშირებელი ტურისტული მარშრუტი, კაპნისთავის ტურისტული ბილიკი და კანიონინგი უჩხოს ხეობაში. ტურისტული პოტენციალის კვლევა აპრილში დაიწყება და მაისისთვის დასრულდება.





ავტორი: NS (სტატია დაფინანსებულია),


სოციალური ქსელები
შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს
ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა
კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა
ტრამპმა და სი ძინპინმა პეკინში მოლაპარაკებები გამართეს
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics